Xehetasun-, simulazio- eta balio-ingeniaritza
Adituak proiektu industrialen garapenean
Industriara bideratutako proiektu berritzaileak garatzen gaude espezializatuta eta lau arlo nagusi hauetako ezagutza, tresnak eta bitartekoak jartzen ditugu zure eskura: industria-ekipamenduak, tresneria, konpositeen ingeniaritza eta prozesuen automatizazioa.
Misioa:
Gure bezeroei balio erantsi handiko irtenbideak eskaintzea, eta industriaren gaur egungo eskakizunak eta beharrak asetzen jarraitzea, gure bezeroen proiektuak diseinatuz, kalkulatuz eta fabrikatuz.
Balioak:
- Konpromisoa: Lanak egiteko aurreikusi diren epeen barruan, gure bezeroei balio erantsi handiko irtenbideak eskainiz, beren prozesuak arrazionalizatzen laguntzeko eta beren negozioak lehiakorragoak izateko.
- Zintzotasuna: Integritatea eta gardentasuna. Printzipio hori izan da gure kudeaketaren oinarria duela 25 urtetik baino gehiagotik.
- Konfidentzialtasuna bezeroaren eta enpresaren arteko harreman guztietan.
- Arreta pertsonalizatua, bezero bakoitzarekin komunikazio zuzena, jarraitua eta gertukoa mantenduz.
PROTecnológica 1996an sortu zen Inasmet-Tecnalia Fundazioaren spin-off gisa, asmo garbi batekin: bere ezagutza osoa material berriekin lotutako teknologien garapenean aplikatzea, material konposatuekin lotutako proiektu ugari gauzatuz.
Pixkanaka, Inasmetek PROTecnológicaren akziodun izateari utzi zion, eta une horretan, enpresa industria-proiektuen garapenean espezializatutako ingeniaritza gisa berretsi zen. Horrela, proiektu ugari egin ditu trenbidearen, ekipamendu-ondasunen, garraioaren eta aeronautikaren sektoreetarako.
Gaur egun, PROTecnológica jakintza-alor anitzeko ingeniaritza bihurtu da, eta erabateko ingeniaritza-zerbitzua eskaintzen du. Bere bezeroen diseinu-arazoei erantzuten die, eta industrializazio- eta merkaturatze-arazoei irtenbideak ematen dizkie.
Horretarako, prototipoak fabrikatzeko eta balioztatzeko instalazioak ditugu, eta 20 profesionalez osaturiko ingeniaritza-talde bat. Taldeko kide guztiak hainbat espezialitatetako ingeniariak eta proiektugileak dira, eta diziplina anitzeko garapen-gaitasun frogatua dute. Horretarako, kalkulurako eta diseinurako tresna ugari erabili behar dira, hala nola Catia, Solid Edge, Solid Works, Ansys, Autocad, Inventor, EPlan…
Laburbilduz, PROTecnológicak bezeroen beharretara eta eskakizunetara egokitzeko gaitasuna duela erakutsi du urte hauetan zehar. Hemendik aurrera, enpresak bere bezeroei laguntzen jarraitzeko konpromisoa hartu du, baita merkatuak eskatzen dion guztiari aurre egiteko beharrezko baliabideak, bitartekoak eta gaitasunak hornitzeko konpromisoa ere.
